Вести:

ВИДЕО: Снегот предизвика хаос на патиштата низ Македонија, отежнат сообраќајот на повеќе патни правци

Денешните врнежи од снег го отежнаа сообраќајот на повеќе патни правци во државата. Како што може да се види од фотографиите објавени на социјалните мрежи, но и од извештаите на АМСМ, голем дел од патиштата не се исчистени и поради тоа има воведено забрана за движење на камиони, автобуси и автомобили.

Според најновите информации од АМСМ поради лавина на патот, сообраќајот на патниот правец Маврово – Дебар целосно е во прекин.

Лавина на патниот правец Маврово – Дебар

Забраната за патнички возила на планинскиот премин Ѓавато сè уште е на сила. Исто така, на сила се и забраната за тешки товарни возила и автобуси на патниот правец Тетово – Попова Шапка. Забрана за тешки товарни возила има и на патните правци Струга – граничен премин Ќафасан, крак Маврово – Дебар, крак Стража – с. Колари и обратно, како и на планинските премини Пресека, Буково и Ѓавато.

Врнежите од снег предизвикаа проблеми и на Стража. Патот не е исчистен и многу возила останаа блокирани крај и на патот. Според изјави на очевидци, завеани се камиони и автомобили, а среде патот има заглавено комбиња.

Снег на планинскиот премин Стража

Освен снегот, сообраќајот на Стража го отежнува и маглата. Според последните информации од АМСМ, видливоста е намалена до 100 метри.

Врнежи од снег има во Тетово, Попова Шапка, Гостивар, Стража, Маврово, Прилеп, Охрид, Струга, Ресен, Крушево, Кичево, М.Брод, Буково, Ѓавато, Плетвар, Пресека и Железнец.

ВИДЕО: Снегот предизвика хаос Повеќе прочитајте на оригиналната страна која ни овозможува да преземеме дел од информацијата:

Loading…

loading…


About The Author

Related posts